Дзёньнік Слэйвара

Выходныя

2008-05-09T07:09:11Z

У аутобусе стоячы, надта тут дашна. З сабою джэнтльмэнскi набор: спальнiк i бутэлька гарэлкi. Выходныя...

iLiKETRAiNS

2008-05-07T18:38:45Z

Хэй, ~~адэпты~~ прыхільнікі якаснай музыкі! Ніхто не жадае 28-га траўня ў мск на iLiKETRAiNS? Класная музыка, недарагія квіткі і цікавы клуб «Art Garbage»! Калі вы яшчэ ня чулі гэты незвычайны пост-рок, заснаваны на гістарычных падзеях — сьцягнуць можна тут.

Гэта я…

2008-05-01T20:02:09Z

Для тых, хто мяне даўно ня бачыў.

Аліварыя!

2008-04-30T19:24:33Z

Менскі завод «Аліварыя» сёньня зрабіў беспрэцэдэнтную акцыю — сьляпое дэгуставаньне «Аліварыі Экстра» і падобных гатункаў не беларускай вытворчасьці. Я нават не чакаў, што так будзе цікава! Вяла дэгустацыю галоўны півавар заводу Надзея Котава, якая распавяла шмат прафэсійных сакрэтаў. А мы, дэгустатары, ў колькасьць 40+ чалавек, выбіралі лепшы гатунак зь пяці прапанаваных…

У выніку, перамагла… «Аліварыя». Хоць адрыў ад канкурэнтаў быў невялікі, але пераможца відавочны. Як і абсалютны аўтсайдэр — «Балтыка-2». Піць «гэта», канечне, можна, але зь вялікай цяжкасьцю. Такім чынам, «Аліварыя» даказала, што перамога на World Beer Championship 2007 у Чыкага зусім не беспадстаўная, як шмат хто лічыў!

Хочацца выказаць падзяку арганізатарам за такое, насамрэч, унікальнае мерапрыемства для Беларусі. Спадзяемся, будучыя варыянты працягу знаёмства з «Аліварыяй» адбудуцца!

P.S. А ўсё магло скласьціся інакш. Пляны на дзень зьмяняліся шматкроць. Але ў выніку ўсё скончылася дэгустацыяй і провадамі matyush у Маскву. За кампанію таксама дзякуй unutranyholas, lodar і parteigenosse :)

Даўгачаканы рэмонт ператварыцца ў нечаканы пізьдзец

2008-04-15T07:07:02Z

З усіх тых варыянтаў, якія былі, абралі самы «зручны» для людзей.

Планируем начать работы по замене эскалаторов уже 1 июня. То есть станция "Октябрьская" будет закрыта, поезда будут проходить мимо, — подтвердил главный инженер дирекции по строительству Минского метрополитена Алексей Мурач. — Рассчитываем управиться за 150 дней. Это при том, что, возможно, строителям придется работать круглосуточно.

via vadim_i_z

Львів

2008-04-07T18:30:24Z

Усе разам…

Ляпісы…

2008-03-23T17:49:57Z

«Ляпис Трубецкой» на A-ONE, канцэрт у Менску і новая песьня «Манифест»…

Тры янгалы

2008-03-07T09:28:00Z

У новым туры «Тузіна Гітоў» удзельнічае песьня «Тры янгалы» гурта Троіца.

«У „Трох янгалах“ — уся сутнасьць чалавека. Ён ня можа забраць з сабою на той сьвет усё, што здабыў тут, на зямлі…»

Спампаваць песьню «Тры янгалы», праглядзець кліп на «Тры янгалы»…

Прагаласаваць за песьню!

slaver_be @ 2008-02-29T09:58:00

2008-02-29T07:58:43Z

Кожны дзень чытаю стужку БелаПАНа — ледзь не адзінае, што мне прыносіць задавальненьне… Забілі, загінуў, забіўся, был задавлен запорожцем… Так і ўяўляю сябе героем чарговай навіны. «20-летний минчанин утопился в кофейной гуще»…

Насамрэч, у мяне поўны бардак у галаве. Так што, калі каго пакрыўдзіў — выбачайце, што ня так выдасканала, як мог бы; калі нешта ня так сказаў — выбачайце, што бяз мату. А ўвогуле, я хачу на месяц у Этыёпію. А пакуль пайду рабіць каву…

Ну, пра музыку…

2008-02-27T21:45:33Z

Шум, як заўсёды, сказаў як зьвязаў!

Лично мне нынешняя «Рок-коронация» не интересна. Это какой-то парад всех святых. Старая мафия соберется, чтобы вместе потусить, по случаю «вседозволенности». Сами же между собой поделят коронки и тут же, на месте, их обмоют. Не вижу интриги. Состав сильный, группы известные, но непонятно для чего они соберутся — спеть по 1-2 песни?.. Этот состав больше сгодился бы для какого-нибудь суточного опен-эйра, а не для церемонии, подводящей итоги музыкального года.

С другой стороны, оргкомитет «Коронации» попросту не владеет информацией о том, что происходит по республике, да и не особенно к этому стремится — о каком подведении итогов может идти речь?.. «Коронация» живет своей жизнью, а музыкальная жизнь республики — своей. Естественно, у многих возникают вопросы: что делать и кто виноват. А никто не виноват. Организаторам нравится «вот такая» коронация — они и делают ее, как нравится. Это логично. А кому не нравится, могут сделать что-то свое. Можно придумать другие фестивали, но ведь никто ничего не делает! Так что остается «Рок-коронация» — такая, какая есть. Честь и хвала тем, кто ее делает.

Поўная вэрсія інтэрвію ў камуніці centr_g_r. ЗачОт vinah за пытаньні!

Высновы…

2008-02-26T08:07:29Z

Ну, сёньня пачнецца… Нічога ня буду казаць пра галоўных асобаў сумнай падзеі, я хачу толькі зьвярнуць вашу ўвагу на факт «кароткатэрміновага адпачынку» Казуліна. Ад гэтага, што б хто не казаў, у выйгрышы цяперашняя ўлада.

Для электарата — чарговы паказчык, які бацька добры, што нават угалоўнікаў і палітычных прастытутак выпускае.
Для Эўропы — чарговы паказчык таго, што Беларусь актыўна супрацоўнічае зь ёю.
Для апазыцыі — магчымасьць чарговы раз сказаць «сапраўды штосьці мяняецца да лепшага», «мы дамагліся духоўнай перамогі»…

Хто-небудзь гатовы аспрэчыць?

Беларусы і музыка

2008-02-20T17:35:14Z

Тут ніколі ня будзе добра, пакуль уся краіна смуткуе па Летаву ~~як па Ленану~~ і мусоліць канцэрт Земфіры ~~быццам бы Rolling Stones прыехалі~~. Малодшы брат, ёпта…

Музззік

2008-02-18T16:42:42Z

Уражаньні ад двух канцэртаў, на адном зь якіх я, праўда, ня быў.

Крамбамбуля. 14 лютага. Грандыёзнае шоў зь шасьцю запрошанымі сьпявачкамі і шэрагам іншых сюрпрызаў. Такога, здаецца, яшчэ ніхто ў нас ніколі не рабіў. Сапраўдны экшн-маскарад з адпаведным прыкідам Вольскага. Лявон шматкроць казаў пра «Эўравізыю», пра тое, што «Крамбамбуля» маглі б, як ніхто іншы зь Беларусі, ўразіць Эўропу. І я так думаю: Lordi, Сярдзючка…

Neuro Dubel. 17 лютага. Чарговая спроба прэзэнтацыі новага альбому. Вялікая, энэргічная, месцамі маргінальная паці ў лепшых традыцыях дзюбялей, з сарваным голасам і падбітым вокам. Толькі без Паскуды, камбайнэраў, підарасаў, але са «своеобразной властью». Кульлінковіч, бачна было, вельмі хваляваўся і крыху нэрваваўся, бо засумаваў бязь вялікіх канцэртаў і хацеў, каб гэта быў не апошні. Але ўсё было зашыбісь!

І так можна жыць. І так трэба жыць…

Пыщ-пыщ!

2008-02-15T16:14:37Z

Неабходна ёбнуць па хатніх сетках пенаблокам з заводу «Віцязь» і паслухаць аўдыё-доказы, як выпусьцілі Клімава, а Казулін адмовіўся выходзіць, і зрабіць падрабязную фота-справаздачу на BBC, каб даказаць, што Пуцін — краб…

Вы праслухалі кароткі агляд беларускай блогасфэры за сёньня. У вас яшчэ ёсьць пару гадзін, каб парадаваць мяне чарговым нерэальным трэшам!

Рыыыыыга

2008-02-10T19:49:29Z

Прывітаньне з Рыыыыыгі! Раней напісаць не атрымалася, але хоць зараз. Падрабязна аб тым, як прайшоў BarCamp Baltics 2008, я можа быць напішу потым. Скажу толькі, што ўчора выступіў я, даволі пасьпяхова, а таксама астатнія беларусы — яшчэ больш удала. Надвор'е сёньня паганае, але злазілі на вежу на старым касьцёле, зь якой бачны ўвесь горад — убачанае вельмі ўразіла, ня гледзячы на тое, што засталіся мокрыя, як сусьлікі. Кароча, амаль суцэльны пазытыў на фоне неверагодных прыгодаў :)

Начнушкі!

2008-01-25T19:09:53Z

Учора ў адной з размоваў (праз jabber, дарэчы) была закранутая тэма дзявочых начнушак. І адразу было вырашана зрабіць невялічкае сацыялягічнае апытаньне наконт таго, ці карыстаюцца сучасныя маладыя дзеўчыны гэтай выдатнай формай вопраткі.

~~Такім чынам, лік пакуль 8:5 на карысьць начнушак! Прыемна зьдзіўлены :)~~

Камэнтатаркі ўсё ж больш аддаюць перавагу піжамам. Але апытаньне працягваецца :)

25.01 @ 21:00. Удзел прынялі 13 дзеўчын, сярод якіх 12 ЖЖ-юзэрак: natatka_by, newlife_4juszka, szalonka, lya, tetrix_zhzh, irisation, liaska, merillin, radaslava, _tarka_, midori_tan, rimanru… Адказаў іхных не падаю: калі захочуць — напішуць камэнт.

26.01 @ 13:00. 8:5, на гэты раз, на карысьць піжамак і іншага. Дзякуй за ўдзел: anka_upala, _sleeping_sun_, marchonak, samoletik_ira, fanatka_st, pollyfluke, malaja, incertezza, panenka_t, brazgotka, zzmarushkazz, ak_bara, npacmopa.

Такім чынам — пакуль нічыя 13:13…

Jabber - ICQ - 2:0

2008-01-14T18:52:09Z

Спробы натравіць jabber і icq адзін на аднаго і зьвязаць іх скончыліся сумнёўным посьпехам. Тым ня менш, транспарт я наладзіў, але для абмежаванай колькасьці карыстальнікаў і на іншым UIN. Будзем гэтых юзэраў апрацоўваць, каб перайшлі на jabber. Хто яшчэ ня ўцяміў усіх ягоных пераваг, пачытайце карысны і просты для разуменьня матэрыял :)

P.S. Кантактаваць са мной, па-ранейшаму, можна праз radionov@gmail.com. А ICQ 3144161 можна лічыць нядзейсным.

Двіжуха!

2008-01-11T13:37:09Z

Бля, і хай мне толькі нехта скажа, што ўсё добра з ЖЖ, усё весела і задорна — галоўнае двіжуха. Піярцеся, дамы і гаспада! Міласьці просім!

P.S. У якасьць піара — баньце далбаёбаў!

Рэбята з нашава двара

2008-01-08T21:00:51Z

«Слушайце, пацаны, ўчара мы пад пад'ездам сядзелі, семкі бабровым запівалі, — сказаў невысокі і грубаваты Афоня, ці як яго ўсе называлі „Пухлы“. — Тут падваліваюць нейкія лысыя да нас, у сіня-красных майках. І ціпа такія нам — „чё вы на кортачках тут, бля, семкі грызёце і непанятна балбочаце, шчаз мы з вас супавы набор зробім“. Ну, кароча, я ціпа адразу ўстаў, аднаму пад дых, патом ішшо аднаво паваліў. Сярога наш там втарому па мордзе, трэцяму. Кароча, атпізьдзілі б усех, калі б яны нас дагналі». Пухлы скончыў сваю невялічкую прамову, паціраючы вялікі сіняк пад вокам, які так і зьзяў гэраізмам ягонага ўладальніка. Пацаны з двара яго ўважліва слухалі, часам смачна сплёўваючы лушпіну. Адзін з гэтай кампаніі, вялікі і дужы Кірылка, вядомы сваімі бойкамі і адсідкамі, ўсьміхнуўся і сказаў: «Я знаю, шо за калдыры. Ані з саседнева раёна. У нас даўно зь німі цёркі. Знаеце как ані нас называюць? Калхазанамі!».

Пасьля гэтай фразы ўсе пацаны і нешматлікія дзеўчыны зь іхнай кампаніі зашумелі і пачалі брудна лаяцца. Такая назва ім была вельмі крыўднай, бо яны сябе называлі не інакш як аграгарадоцкімі, што, на іхную думку, гучала вельмі ганарліва. «От жа гнойныя гундосы, нада ім насраць на раёне, каб нашых ведалі» — нехта самы разумны з гэтай зграі выказаў рацыянальную ідэю. «А хулі? Будзе прыкольна!» — адзінагалосна падтрымалі астатнія.

На наступную раніцу, пакуль хлопцы з суседняга раёну адсыпаліся пасьля начных п'янак, была прызначаная апэрацыя пад кодавай назвай «Затопчым гадаў». Дзейнічалі зладжана і посьпех быў неверагодны. На ўсіх бачных месцах раёну зьявіліся рознакаляровыя надпісы «крывыйа казлы», «далбаёбы» і іншыя крыўдныя, але гучныя словы.

Шоку суседзкай хэўры ня было межаў. Але іхны пахан быў чоткі чувак і прасёк фішку, заявіўшы: «Ну, а чё, хай блазаны пабалуюцца, паржом с ніх, а патом іспользуем». А малыя-та, насамрэч, узрадаваліся: «Во, ані нас ціпер уважаюць». І на наступны дзень, яшчэ з учорашнямі ворагамі, разам абаранялі іхных пакрыўджаных цёлак ад банды з ускраіны… Суседзі ўсё ж, семкі ў адной краме набываюць…

Усе пэрсанажы выдуманыя, любое супадзеньне з рэальным пэрсанажамі выпадковае.

Ура, нас заўважыў гаспадар!

2008-01-07T09:38:27Z

Я не аднойчы пісаў пра сучасны стан беларускай блогасфэры і беларускага ЖЖ. Усё ж я не атаясамляю гэтыя паняцьці, хоць для Беларусі яны фактычна зьяўляюцца сынонімамі. Дык вось падзеі апошніх дзён зноў мяне прымушаюць узьянць гэтую тэму.

У далёкім 2004 годзе, калі я ўпершыню ўбачыў беларусаў у ЖЖ, я быў прыемна зьдзіўлены той атмасфэрай, тым характарам, які мелі стасункі юзэраў. ЖЖ тады рэальна ўяўляў сабой унікальную сфэру, дзе тусаваліся цікавыя і адкрытыя людзі. У 2005 годзе ў гэтую сям’ю паспрабаваў уліцца і я. Тады яшчэ няшмат было беларускамоўных карыстальнікаў, ды й увогуле карыстальнікаў зь Беларусі. Але кожны дзень прыносіў неверагодныя цікавосткі, пашыраў кола знаёмых і межы новых ведаў. Шмат каго і я падсадзіў на тады яшчэ не страшны наркотык…

Але час ішоў і публіка зьмянялася. Расейскі сэгмэнт даўно пераўтварыўся ў абы-што зь бясконцымі сваркамі, спробамі зарабіць грошаў на сэнсацыях і бясконцым змаганьнямі за колькасьць фрэндаў. Тая ж халера дайшла і да нас. Бессэнсоўныя рэйтынгі, мары стаць тысячнікамі, дурацкія піары і сачэньні за топамі. Я і сам паддаўся мінулым летам на ўдзел у выбарах лепшых блогераў. Праўда, дзеля таго, каб можна было выказацца наконт той абстаноўкі, што склалался зараз у беларускім ЖЖ. Але ніхто не пачуў…

Якасьць інфармацыі сярод беларускіх ЖЖыстаў толькі пагаршаецца. Я не маю на ўвазе тых, хто заўсёды вёў дзёньнік пераважна для сябе — гэтая самая шчырая і цікавая частка пісцоў. Я кажу пра тых, хто нібыта стварае інфармацыйныя нагоды — псэўдааналітыкі, псэўдажурналісты, а на справе гоншчыкі за аўдыторыяй — хілыя правакатары і плягіятары.

І што мы маем зараз? Эўфарыя непаўнавартаснага народу: мы ў топе Яндэкса, пра нас сказаў Носік… Годы стварэньня непаўторнай беларускай часткі вялікай сеткі прайшлі марна. Беларусы зноў нічому не навучыліся.

slaver_be @ 2008-01-06T23:15:00

2008-01-06T21:15:48Z

Кожны дзень даказывае, што сьвет каціцца ў тартарары…

Blackout

2007-12-31T09:10:27Z

Усіх віншую з наступаючым годам вялізарнага шэрага злога пацука!
У новым годзе зычу вам не крысятнічаць, а астатняе прыйдзе само!

P.S. Хто ~~не спрятался~~ ня ўбачыў віншаваньня — я не вінаваты. Асобных віншаваньняў не дачакаецеся!

Музыка году. Захад

2007-12-28T19:55:19Z

Традыцыйны пост пра лепшыя альбомы сыходзячага году мне так не хацелася пісаць. А хулі? Колькі з маіх чытачоў праташчылась ад зборкі бі-сайдаў Bloc Party, параўноўвала сьвежыя працы Editors і Interpol ці слухала новы альбом Tinariwen? Гэта вам ня косткі перамываць тым, хто бачыў Праляскоўскага… І тым ня менш.

Галоўным выданьнем году для мяне застанецца зборнік «Weekend Getaway» гурта Bloc Party, пра які я ўжо пасьпеў узгадаць. Для мяне стала шокам тое, што гэта абсалютна неафіцыйны рэліз, а кампіляцыя з усіх бонусаў да альбому «A Weekend In The City», якую зрабіў адзін з фанатаў гурта. Тое, што бі-сайды могуць быць цікавейшымі за сінглы ці асобныя трэкі альбому, я ведаў і раней. Але тое, што ўсе бонусы разам могуць быць удвая цікавейшыя за альбом… Ага, невялічкі шок, які ні разу за гэты год не пакідаў мой плэер. І адсюль жа лепшы трэк году — «We Were Lovers».

Radiohead. Пра іх ведаюць усе, пра іх я пісаў не аднойчы… Том Ёрк заўсёды непрадказальны, таму фінт з новым альбомам, які можна было афіцыйна атрымаць нахаляву, а можна было заплаціць колькі не шкада, нават не зьдзівіў. Галоўнае — зьмест. Тут і рваная «Bodysnatchers», і незвычайна шчырая і проста «All I Need», і геніальная «Videotape», якая закрывае альбом, як труну. Вось толькі радыёголавы неўміручыя…

Дзіўная парачка супернікаў Editors і Interpol. Унікальную нішу адрошаных стаката Interpol занялі яшчэ ў 2002. Праўда, новым альбомам «Our Love To Admire» яны схіліліся ў іншы музычны тэмп, дзе і саступілі «An End Has A Start» Editors…

Шматдзетная маці Dolores O'Riordan зноў вярнулася на сцэну. Цяпер без журавінаў, але з тым жа музычным харакатарам. У тым, што яна ў цудоўнай форме, вы можаце пераканацца, калі паслухаеце альбом «Are You Listening?».

Вось такая лепшая пяцёрка. Апроч гэтых музыкаў варта вылучыць альбом «Baby 81» амэрыканскага гурта Black Rebel Motorcycle Club, які даказаў жывучасьць доўгіх і вязкіх гітарных сола; новую праграму Marilyn Manson «Eat Me, Drink Me», у якой ён сабе прадэманстраваў ня толькі як злобнага дэмана, але як выдатнага філёзафа; Arctic Monkeys «Favourite Worst Nightmare», чый першы альбом пабіў усе рэкорды па продажах, а сёлетні, хоць і саступіў па гэтых паказчыках, але даказаў, што Arctic Monkeys — не аднаднеўка; Klaxons «Golden Skans», якія атрымалі непараўнальны карт-блянш ад NME у выглядзе тытулаў «лепшы гурт года» і «лепшая песьня году»; Good Shoes «Think Before You Speak», яшчэ адзін з тысячаў indie-выскачак — паглядзім, што зь іх далей атрымаецца.

А ўвогуле год нечакана быў пладавітым на цудоўныя рэлізы. Ледзь ня кожны тыдзень зьяўляліся альбомы, якія сапраўды былі вартыя ўвагі.

12 месяцаў (не казка)

2007-12-26T20:10:43Z

… і ў канцы выпуску — асноўныя падзеі году…

Студзень… Eutem… было страшна і непрадказальна… Зараз маю амаль год працы, паўгады прафэсійнага стажу, аднаго падначаленага, тысячы экспірэянса, сотні тысячаў страчаных нэрвовых клетак і хранічную стомленасьць.
У лютым на нейкі час вярнулася вера ў чалавецтва. Праўда, хутка яна зьнікла… І ўжо ня вернецца ніколі?…
Сакавік. Ніякіх плошчаў і опаў. Толькі канцэрты-канцэрты-канцэрты.
У красавіку быў прыгожы красавіцкі Менск. Такі красавіцкі-красавіцкі. Як можа быць толькі ў красавіку.
Бязглузды травеньскі аазіс сярод буры ў пустэльні. Бязглузды, бо не оазіс. А аазіс, бо… правільна…
Чэрвень. Іспыты, адбросішчы, новы офіс… Але гэта нішто ў параўнаньні зь вясёльлем happy_monha і ноччу ў вагоне з фанатамі «Нафтана»… Які там «Днепр-Магілёв»…
Ліпень. Героям месяца стаў раскоп. Толькі не кажыце, што вы там не ~~пілі~~ бывалі. І нават «Басовішча» не параўнаецца з душэўнасьцю гэтага месца.
У намінацыі «Лепшае месца жніўня» перамогу атрымлівае… нееее… перамогу дзеляць паміж сабой Дружная ~~з Бабровым~~ і Ужупіс ~~з Сукцінісам~~. А ўвогуле Be2gether — самая цікавая падзея году.
Хаця зь ім можа паспрачацца верасеньскі трэйн-трып да Варшавы, начныя паходы па Урсусу, пабітыя калені на Варшшшава-Всходня, лятаючыя бау́лы, челнакі і чечены…
У кастрычніку быў BlogCamp і першае жаданьне больш ня піць… хаця б у цягніку… А яшчэ быў Lumen — лепшы менскі канцэрт году.
Лістапад канкрэтна мяне накрыў мокрымі і халоднымі расьпілаванымі дрэвамі недзе ў лесе пад Менскам. Успамінамі мярзотнага месяца застаўся аркуш з кнігі са словамі «Ленин умер» і выкшталцоны вобраз Далорэс.
Да канца году я забыў ня толькі пра веру ў людзей, пазбавіўся розных дурацкіх ілюзіяў, але і ўпэўніўся ў нелягічнасьці ўсяго існага. Ох, сьнежань… ты можешь помолчать, ты можешь петь…

…но все равно гореть…

Uwaga! Komunikat specjalny!

2007-12-17T20:49:14Z

Нашаму партызанскаму атраду патрэбная сьвежая кроў у выглядзе вэб-дызайнэра. Кантакты і падрабязнасьці на нашым сайце.
Прыгожая пухнатая котка шукае новага гаспадара. ~~Явкі, паролі~~ Фоткі, кантакты…
Пячатку на выезд за мяжу такі скасавалі. ~~Цяпер будуць спыняць проста на мяжы…~~
Ільготы сёньня пасьпяхова сканалі. Буду са зьедлівай усьмешкай назіраць за пэнсыянэрамі, якія клянуць бнф, штаты, жыдоў у сваім горы
Для сябе: піць з abrykos гарэлку — небясьпечна для здароўя

Усім чмокі ў гэтым чаце!