while my guitar gently weeps

slaver_be


Дзёньнік Слэйвара

Брыдкія месцы майго жыцьця


Вынікі 2012
Чэрапушка
slaver_be
Усе падводзяць вынікі году, вось і я вырашыў, што варта паставіць сваю кропку ў 2012 годзе… Там больш, што тут за год амаль нічога не пісаў у ЖЖ :)

Чытаць далей…Collapse )

Рыга#4
while my guitar gently weeps
slaver_be
Два тыдні таму мы з zukerby наведалі з сяброўскім візытам слаўны горад Рыгу. У гэты раз мэтай вандроўкі быў юбілейны канцэрт нашага любімага латыскага гурта Dzelzs Vilks.

Рыга

ДалейCollapse )

11 сакавіка!
while my guitar gently weeps
slaver_be
Вось што я вас скажу, рэбзя: 11 сакавіка будзе агонь! Мы адкрываем новыя гарызонты! У Re:Public будзе афігенны канцэрт зь лепшымі беларускімі музыкамі. Лайн-ап пакуль трымаем у сакрэце і раскрываем таямніцы паступова. Першы госьць — легендарны Аляксандр tomat з сваім гуртом Pomidor/Off і новай праграмай «Патас/Попс/Прапаганда».

Tags: ,

Tripel Karmeliet
while my guitar gently weeps
slaver_be
Tripel Karmeliet

Мой хуткі двухдзённы адпачынак ад рэчаіснасьці я вырашыў правесьці ў Варшаве, дзе пабыў у гасьцях у старага сябра Васі, зьнянацку трапіў на канцэрт N.R.M. і, канечне ж, затарыўся піўком у Arkadia. Ля паліцаў зь півам я правёў большую частку часу ў гіпэры: было вельмі цяжка выбраць, што ўзяць, калі прадаецца сотня рэдкіх гатункаў. Стаўку зрабіў у асноўным на бэльгійскія трыпелі і бокі. Першы ў аглядзе — Tripel Karmeliet.

Паводле флямандзкамоўнай вікіпэдыі, гэты гатунак вырабляецца з 1996 году, хаця кармэліты вараць яго з 1679 году. Піва сьветлае, вельмі моцнае (8,4%), верхняга браджэньня, варыцца з сумесі пшаніцы, ячменю і аўса. Адразу як адкаркоўваеш бутэльку ў паветра вырываецца моцны пшанічны арамат, але потым ловяцца ноткі грушы, палявых кветак і асабліва мёду. Смаг лёгкі, сухі, салодкі, нават ванільна-бананавы. Піва вельмі прыемна кладзецца ў страўнік і расплываецца па целу цяплом. Ніякага намёку на сьпірт тут няма, гэтыя аццкія 8,4% зусім не адчуваюцца. «Послевкусіе» (рэбзя, а як па-беларуску гэты тэрмін будзе?) ненавязьліва-салодкае. Манахі-кармэліты ведаюць, як зрабіць смачны напой! Зрэшты, паводле той жа вікіпэдыі, Tripel Karmeliet у 2008 годзе атрымаў статус лепшага піва верхняга браджэньня па вэрсіі брытанскага часопісу Beers of the World. І гэта ня дзіўна!
Tags:

ЖЖ-півакарнацыя!
while my guitar gently weeps
slaver_be
Шмат хто ўпарта даказвае, што жэжэшачка яшчэ не сканала. Даволі спрэчна, ўлчіваючы састарэлыя тэхналогіі, сталыя праблемы з атакамі і багамі ў сэрвісе і адтокам юзэраў у сацсеткі. Але, дзе яшчэ можна напісаць вялікі разгорнуты тэкст з малюнкамі і нармальным фарматаваньнем тэксту? У Г+? Муахаха! Ну, калі ЖЖ жывы, дык вось вам першы пост пасьля вяртаньня сюды — і паспрабуйце не адкамэньціць :)

Read more...Collapse )
Tags:

БАТЭ — Мілан — 1:1 (фота)
while my guitar gently weeps
slaver_be
Я заўзею за «Мілан» з 1994 году. У тым годзе расанэры парвалі ў фінале Кубка чэмпіёнаў «барсу» 4:0… Пасьля было яшчэ шмат чаго: і перамогі, і паразы. Блішчэлі на футбольным небасхіле Барэзі, Мальдзіні, Веа, Шаўчэнка, Кака… Я шмат гадоў марыў трапіць на гульню «Мілану». Першая такая магчымасьць была ў 2001-ым, калі яны прыяжджалі ў Менск. Але быў малы-дурны-бяз грошаў. У мінулым годзе я зьбіраўся ехаць на міланскае дэрбі, ўсё расплянаваў, але ўзьніклі праблемы зь візай. У гэтым годзе я хацеў ужо паехаць у Мілан на гульню з БАТЭ, але зацягнуўся пасьляапэрацыйны пэрыяд. І вось, нарэшце, мара зьдзейсьнілася! 1.11.11 у Менску!

Ды ня проста трапіў — а атрымаў магчымасьць здымаць гульню. Гэта быў мой першы фота-футбольны досьвед і я ня ўпэўнены, што атрымалася добра. Але эмоцыяў шмаааааат!

Ну, а цяпер, фоткі!Collapse )

Троіца
while my guitar gently weeps
slaver_be
Троіца ў Графіці

А ўчора ў «Графіці» выступала «Троіца». Камэнтаваць асабліва няма чаго — гэта трэба чуць і бачыць! Нічога лепш у нашай музыцы ніколі не было, ў чым у чарговы раз упэўніўся. Ну, а новы альбом «Зімачка» проста геніальны!
Tags: ,

Сумчаты эксгібіцыянізм
while my guitar gently weeps
slaver_be
Спадабалася тэма сумчатага сумачнага эксгібіцыянізму, якую нядаўна раскрыў zap4ick (хоць ідэя зусім і ня новая).
На фоне таго, што розныя foursquare паляць кожную кропку, дзе выпіты келіх-другі… гарбаты, выпатрашыць навыварат свой заплечнік зусім і ня страшна. Страшней было бы паздымаць усё, што ўнутры фотасумкі знаходзіцца.

Marsupial exhibitionism

Я думаю, па здымку вы зразумееце, дзе я бы параіў правесьці летнія вакацыі, а дзе пачытаць цікавыя музычныя навіны :)

А што ў вас у сумках і заплечніках?

P.S. А яшчэ сёньня выйшаў новы альбом Myslovitz! Пяць гадоў чаканьня!

Едзем разам!
while my guitar gently weeps
slaver_be


Трэці год запар у жніўні я зьбіраюся ехаць у Будапэшт на афігенны фэстываль Sziget! Сігет — гэта не проста 10 асноўных музычных пляцовак, дзе граюць лепшыя гурты з усяго сьвету, гэта — выспа свабоды (зрэшты, гэта сапраўды выспа на Дунаі), дзе можна цудоўна адпачыць і пабалдзець! У гэтым годзе будзе выдатны лайн-ап: зноў чароўныя Oi Va Voi, Pulp, якія вярнуліся пасьля доўгага перапынку, любімыя Interpol і The National, вар'яцкія Gogol Bordello і Rise Against, дэнсавыя Crystal Castles і Gotan Project. Тыя, хто ў мінулым годзе даверыўся нашым з sergei_kochegar аповядам пра Сігет і паехаў разам з намі — ў гэты раз зноў зьбіраюцца :) Карацей, усім раю! Тым больш, што зь Менску арганізуецца аўтобусны тур.
Tags:

Лета ў Менску
while my guitar gently weeps
slaver_be
Лета ў Менску

24 красавіка ў Менск зьнянацку прыйшло лета!
Tags: ,

Санкт-Пецярбург
while my guitar gently weeps
slaver_be
У гэтыя сумныя дні вырашыў узгадаць беззаботную вандроўку на ўсход… У Санкт-Пецярбургу я быў упершыню. Галоўнае ўражаньне, якое склалася ад гораду: зімою — ні нагою. Хоць у тыя сакавіцкія дні сонца раз-пораз выглядвала, але большасьць часу было вельмі халодна, часам накрываў моцны сьнегапад, а шквальны вецер ледзь ня зносіў з ходнікаў. Другое галоўнае ўражаньне — ўсё вельмі дорага. У цэнтры танна паесьці-папіць досыць складана. У «Кофехауз» можа ня быць кавы, затое прымітыўны бутэрброд будзе каштаваць 18К на нашыя. Вай-фай знайсьці ўвогуле раскоша!

Санкт-Петербург

Read more...Collapse )

Noize MC
while my guitar gently weeps
slaver_be
Noize MC у Менску

Здаецца, ў нашым постсаўковым грамадзтве зьявіўся новы сапраўдны рок-герой. І хоць па форме ён, быццам бы, зусім не рок, але па падачы, па кантэксту, па ўплыву — сапраўдны ракенрол. Noize MC выступіў у Менску ўжо ў пяты ці шосты раз і ледзь не разарваў гаротны «Рэактар» на часткі. Хоць гэтую малахольную метафару любяць выкарыстоўваць па справе і безь яе, у гэты раз яна адпавядае рэчаіснасьці. Паўтары тысячы чалавек, неверагодныя чэргі на ўваход, слэм-мош-стэйдждайвінг, танцы і сьпевы…

Ваня за канцэрт некалькі разоў узгадаў Міхалка (зрэшты яны і назвалі свой тур па Беларусі «Міхалок-тур»), выканаў 2 песьні «ляпісаў», а адразу пасьля сыходу са сцэны ў клюбе зайгралі «Зорачкі». Ён, як ніхто іншы ў навакольнай музтусоўцы, разумее тое, што тут адбываецца, і спачувае, наколькі гэта магчыма…

На Ultra-Musicфотарэпартаж з канцэрту, а хутка — і вялікае інтэрвію з Noize MC

Выстава заводных коней
while my guitar gently weeps
slaver_be
З 5 па 8 сакавіка ў Менску ў павільёне «БелЭкспа» праходзіла выстава-шоў заводных коней. Упершыню менчукі змаглі ўбачыць лепшых прадстаўнікоў элітных пародаў, а таксама найвышэйшага каня ў Эўропе, які ў карку дасягае вышыні 197 см.

newlife_4juszka , якая ўдзельнічала ў выставе, клікала наведаць яе, але толькі ў апошні дзень latafex падштурхнула пайсьці :) У выніку паглядзелі на конікаў, паздымалі іх, памёрзлі на вуліцы. Конегадоўля — неабсяжны сьвет пародаў, масьцяў, тэрмінаў і нюансаў. Але самае галоўнае — гэта вельмі прыгожая праца зь вельмі разумнымі істотамі :)



Іго-гоCollapse )
Tags:

Аліна Арлова ў Менску
while my guitar gently weeps
slaver_be
Аліна Арлова нарэшце дабралася да Менску! Пра яе можна шмат напісаць: прыгожая, таленавітая, шчырая… Я вельмі рады, што Менск і менчукі убачылі яе. Шкада толькі, што канцэрт адбыўся ў зусім непадыходзячым для гэтага месцы.

Alina Orlova

Read more...Collapse )
Tags: ,

(no subject)
while my guitar gently weeps
slaver_be
Clover Club на Emergenza

Сёньня на першым паўфінале Emergenza можна было ў чарговы раз упэўніцца, што музыка ў Беларусі жыве і разьвіваецца. І хоць па сваіх спэцыфічных законах і часам па-за кантэкстам што сусьветных трэндаў, што беларускіх рэаліяў, але працэс ідзе і ёсьць класныя гурты. 3ь сямі паўфіналістаў, як мінімум 4 ня сорамна паказаць у сьвеце, а адзін з іх — Clover Club — дык і ўвогуле вылучаецца цудоўнай падачай і небанальнай музыкай. А якія цікавыя маладыя гурты адзначыце вы?

А пакуль працягваецца галасаваньне за Ultra-Music Awards 2010, а роўна празь месяц, 26 лютага, адбудзецца фінальная вечарына ў «Графіці» — прыходзьце!

N.R.M. бяз Вольскага
while my guitar gently weeps
slaver_be
Нядаўняя навіна пра тое, што N.R.M. выступіць на бліжэйшай «Рок-каранацыі» бяз Вольскага, шмат каго зьдзівіла. Апынулася ж, што гурт ужо паўгады рэпетуе, складае песьні і рыхтуецца да запісу новага альбому, ў чым я змог ўпэўніцца на апошняй рэпетыцыі N.R.M..



Відэа з інтэрвію і фрагмэнтамі новых і старых песьняўCollapse )

2011
while my guitar gently weeps
slaver_be
Падводзіць вынікі сыходзячаму году зусім ня хочацца, ня гледзячы на маю страшную апантанасьць рознымі статыстычнымі дадзенымі і справаздачамі. Але я сёньня знайшоў у краме сьвежую партыю цёмнага Kult, а пасьля яшчэ пасьпеў… шампанскага і замуціць Куба-лібрэ, таму мяне цягне што-небудзь напісаць :)

За гэты год я пасьпеў трапіць у лякарню з лжэ-апэндыцытам, зьмяніць месца працы, пабываць упершыню ў аква-парку (гэта, бадай, самае моцнае ўражаньне году), прыняць удзел у арганізацыі некалькіх канцэртаў (у тым ліку Mysovitz!), назьбіраць рэдакцыю для Ultra-Music (умоўна, канечне, але!), зноў зьезьдзіць на Sziget, пабываць на паўсотні розных канцэртах там і тут, зьмяніць камэру і наздымаць 100 гігоў фотак, праслухаць тысячы песьняў і знайсьці дзесятак супэр-гуртоў, выпіць пару соцень літраў піва, пазнаёміцца з новымі цікавымі людзьмі і захаваць старых сяброў, зрабіць пару фэерычных вандровак па Беларусі… Таксама ўвесь год я спрабаваў не зьмяняць свайму сумленьню і быць самі сабой (злым ці вясёлым, але самі сабой). Ну а сьнежань, канечне, запомніцца нам усім надоўга…

Гэта быў зноў складаны і супярэчлівы год. Няхай наступны год будзе для нас усіх лепш! Хай будзе больш свабоды, больш музыкі, больш цікавых падзей, больш дабрыні і каханьня!

(no subject)
while my guitar gently weeps
slaver_be
Апошнія падзеі наўрад ці кагосьці маглі пакінуць абыякавымі. Ніякага настрою няма, застаецца толькі вера ў лепшае і салідарнасьць, якую мы мусім усе разам праяўляць — перадаваць затрыманым неабходныя рэчы (здаецца, на цяперашні момант усе забясьпечаныя), дасылаць паштоўкі і распаўсюджваць праўдзівую інфармацыю. Ну і трэба трымацца! Музыка — добры сродак падтрымкі…

Read more...Collapse )

І з Калядамі ўсіх! Хай зьдзяйсьняюцца цуды!

Менск перадкалядны
while my guitar gently weeps
slaver_be
Пазаўчора, ідучы ўздоўж плошчы Свабоды, падумалася, што зараз найлепшы час для турызму ў Беларусь. Ну, паглядзіце: яскравыя вуліцы з тысячамі аганькоў, пухнтаты сьнег, вялікія каткі для козаньня і… несанкцыяваныя акцыі. Я як раз ішоў, а на плошчы Свабоды рэп чытаў Vincent, а да натоўпу зьвярталіся кандыдаты ў прэзыдэнты. Сёньня зноў натрапіў на людзей са сьцягамі і турыстаў, якія разважалі пра Беларусь. І, як апынулася, іх тут зараз нямала.

Карацей, весела зараз у Беларусі. А яшчэ весялей будзе ў нядзелю. Прыходзьце, хулі :)
Tags:

Myslovitz у Менску
while my guitar gently weeps
slaver_be
Myslovitz! У Менску! Мы зрабілі гэта! Дзякуй усім, хто дапамагаў, хто быў побач. Я, насамрэч, вельмі шчасьлівы, што такая колькасьць сяброў і знаёмых была на гэтым канцэрце, што мы разам сьпявалі і танчылі. Гэта быў мой лепшы канцэрт Myslovitz, на якіх давялося быць.

Myslovitz у Менску

Здымкі з выступу гурта. Я зараз вельмі стомлены, спустошаны, хоць амаль усё і атрымалася.

На Myslovitz «на халяву»
while my guitar gently weeps
slaver_be
Да першага канцэрту Myslovitz у Беларусі застаецца некалькі дзён, квіткі ўсё яшчэ можна набыць у касе клюбу Рэактар, а таксама ў кропках продажу квіткоў у пераходах, а зь сёньняшняга дню яшчэ і атрымаць «на халяву». Эўрарадыё пачало розыгрыш 2 квіткоў у віктарыне, а яшчэ квіткі можна выйграць штодзённа падчас канцэртаў у клюбе «Графіці».

А яшчэ Эўрарадыё датэлефанавалася да няўлоўных польскіх музыкаў і ўзяла камэнтары ў басіста Яцэка Кудэрскага.

Так што слухайце, глядзіце кліпы і абавязкова прыходзьце ў пятніцу ў Рэактар — я вас запрашаю :)

Жыцьцё — гэта схватка
while my guitar gently weeps
slaver_be
Сёньня ўпершыню пабываў на турніры па грэка-рымскай барацьбе. brodzki яшчэ зь лета клікаў на турнір памяці алімпійскага чэмпіёну Алега Караваева, а тут яшчэ дадалася цікавая музычная праграма да шоў ў Палацы Спорту — таму вырашыў схадзіць-паздымаць.

У Палацы сьпяваў Піт Паўлаў (напісаў адмысловую песьню пра барацьбу ды й сам ёй займаўся, як апынулася), фонам гралі розныя Yeah Yeah Yeahs і нават Myslovitz, а побач тусаваліся Чыж-Ладуцька-Д.Лукашэнка і іншыя ўладныя людзі. Але самае цікавае адбывалася на дыванах: бескампрамісныя схваткі, крыкі, пратэсты і, канечне, выніковая перамога нашай зборнай :) Карацей, прыемна ўразіла гэтая падзея — нашмат больш, чым потым канцэрт у «Рэактары».



І яшчэ некалькі здымкаўCollapse )
Tags: ,

Myslovitz выступіць у Менску!
while my guitar gently weeps
slaver_be
Myslovitz у Менску

У 2007 і 2008 мы з zukerby двойчы езьдзілі на канцэрты Myslovitz у Варшаву. Тыя прыгоды ўзгадваюцца зараз зь неверагоднай радасьцю: сьпіртавозы з чачэнцамі і кантрабандыстамі, блуканьні па прыгарадам Варшавы (а вы бывалі калі-небудзь ноччу ва Ўрсусе? :)), набегі на супэрмаркеты за півам і, канечне ж, самі канцэрты Myslovitz! Тады ніхто з нас ня мог падумаць, што яны даедуць да Менску. А зараз гэта не мары, а факт! 3 сьнежня (пятніца) ў «Рэактары» упершыню ў Беларусі сыграе Myslovitz. Ды й квіткі па сьмешным кошце (15 000 і 10 000 для палякаў і студэнтаў). Карацей, такое нельга прапусьціць! Прыходзьце, сябры, гэта таго варта!

Tags: ,

Neuro Dubel форэва!
while my guitar gently weeps
slaver_be
Neuro Dubel

Хто б што не казаў, а Neuro Dubel — наша ўсё! Прэзэнтацыя ў «Рэактары» была неверагоднай: шмат людзей і вельмі шмат знаёмых сярод іх, добрая новая праграма і лепшыя старыя песьні, сьпевы ва ўсю глотку, слэм і абліваньне півам. «После этого и умереть можно!»

Разьвітальны канцэрт a-ha у Менску
while my guitar gently weeps
slaver_be
Разьвітальны канцэрт a-ha у Менску

Сёньня быў разьвітальны канцэрт a-ha у Менску. Неверагодны вакал Мортэна Харкета моцна ўразіў, як і агромныя экраны з захапляльнымі кадрамі. Больш іх канцэртаў мы ня ўбачым :(
Яшчэ крыху фотак на Ultra-Music.